Ֆիլիպիններում արևադարձային փոթորկից առաջացած սողանքները 11 հոգու կյանք են խլել
1 րոպեի ընթերցում
![Ֆիլիպիններում արևադարձային փոթորկից առաջացած սողանքները 11 հոգու կյանք են խլել](http://armenpress.am/resized/480/storage/images/articles/2024/09/02/RcNsaJLuApnX5oyFSL3Q4wYfn30iLNtj8PXAPwlm.webp)
ԵՐԵՎԱՆ, 2 ՍԵՊՏԵՄԲԵՐԻ, ԱՐՄԵՆՊՐԵՍ։ Ֆիլիպիններում արդեն երկու օր է՝ շարունակվում են արևադարձային փոթորկի առաջացրած հորդառատ անձրևները։ Հեղեղումների և սողանքների հետևանքով 11 մարդ է զոհվել։ «Արմենպրես»-ի փոխանցմամբ՝ այս մասին հաղորդում է France24 պարբերականը։
Մայրաքաղաք Մանիլայում փակվել են դպրոցները և պետական հաստատությունները, փոթորկից տուժած շրջաններում նավագնացությունը դադարեցվել է, չեղարկվել է 29 ներքին թռիչք։
Սեպտեմբերի 2-ի դրությամբ ավելի քան 300 մարդ դեռ մնում էր տարհանման ճամբարներում։
Տեղական իշխանություններին կոչ են արել նախապատրաստվել բնակչության տարհանմանը փոթորկի ճանապարհին ընկած համայնքներից։