1 րոպեի ընթերցում
ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ։ Ստամբուլում զինված հարձակում է տեղի ունեցել հիվանդանոցի շտապօգնության բաժանմունքի վրա, վիրավորվել է հինգ մարդ, այդ թվում՝ մեկ ոստիկան։ Այդ մասին տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն։
«Հայտնի է դարձել, որ Բահչելիեվլեր շրջանի հիվանդանոցներից մեկի շտապօգնության բաժանմունքում զինված հարձակման հետևանքով վիրավորվել է 5 մարդ։ Վնասվել է հիվանդանոցի շենքը և շտապօգնության մեքենան»,- նշված է հաղորդագրության մեջ։
Հինգ մարդ, այդ թվում՝ մեկ ոստիկան, մեկ ժանդարմերիայի, մեկ մասնավոր անվտանգության աշխատակից և երկու քաղաքացիական անձ, տուժել են, սակայն նրանց կյանքին վտանգ չի սպառնում։
«Մեքենան, որով իրականացվել է հարձակումը, քիչ անց հայտնաբերվել է առանց հանցագործների, ովքեր դիմել են փախուստի»,- նշված է հաղորդագրության մեջ։