Գազայում իսրայելական հարվածների հետևանքով մեկ օրում ավելի քան 70 պաղեստինցի է զոհվել

ԵՐԵՎԱՆ, 25 ՕԳՈՍՏՈՍԻ, ԱՐՄԵՆՊՐԵՍ: Վերջին մեկ օրվա ընթացքում իսրայելական ուժերի ռազմական գործողությունների հետևանքով Գազայի հատվածում զոհվել է 71 պաղեստինցի, վիրավորվել՝ 112-ը:

«Արմենպրես»-ի հաղորդմամբ՝ այս մասին նշված է Գազայի առողջապահական գերատեսչության տեղեկագրում:

Ըստ այդմ՝ անցած տարվա հոկտեմբերի 7-ից ի վեր Իսրայելի ԶՈՒ-ի հարվածների հետևանքով զոհերի թիվը Գազայում հասել է 40 հազար 405-ի, իսկ վիրավորներինը՝ 93 հազար 468-ի: