Ռուսական լրատվամիջոցները հայտնում են հայկական կոնյակի հետ կապված խնդրի մասին. ՍԱՏՄ-ն պաշտոնապես նամակ չի ստացել
1 րոպեի ընթերցում
![Ռուսական լրատվամիջոցները հայտնում են հայկական կոնյակի հետ կապված խնդրի մասին. ՍԱՏՄ-ն պաշտոնապես նամակ չի ստացել](http://armenpress.am/resized/480/storage/images/articles/2024/08/20/lNufQZLj9RCgPSvsYgOxNA72EW4E6papRzn1Vdmu.webp)
ԵՐԵՎԱՆ, 20 ՕԳՈՍՏՈՍԻ, ԱՐՄԵՆՊՐԵՍ: Ռուսական լրատվամիջոցները հայտնում են, թե ռուսական խանութներում վաճառվող հայկական կոնյակի 90 տոկոսն անվտանգ չէ, Հայաստանի սննդամթերքի անվտանգության տեսչական մարմինն այս առնչությամբ պաշտոնական նամակ կամ գրություն ռուսական կողմից չի ստացել:
«Արմենպրես»-ի փոխանցմամբ՝ ՏԱՍՍ-ը տեղեկացնում է, որ ծանոթացել է «Անտիկոնտրաֆակտ» միջազգային ասոցիացիայի և Կոնյակ, սպիրտ և ալկոհոլային խմիչքներ արտադրողների միության համատեղ ուսումնասիրությանը:
Ըստ լրատվամիջոցի՝ ուսումնասիրության համար ձեռք է բերվել ավելի քան 20 ապրանքանիշի կոնյակի 200 նմուշ: Ուսումնասիրության արդյունքում դրանցից 177-ում, այսինքն՝ 89 տոկոսում հայտնաբերվել են խախտումներ և պարզվել է, որ դրանց գրեթե կեսը պարունակում է ոչ խաղողի սպիրտ:
Հայաստանի սննդամթերքի անվտանգության տեսչական մարմնից «Արմենպրես»-ին տեղեկացրին, որ սրա հետ կապված պաշտոնական նամակ դեռ չեն ստացել: