ԳԱՎԱՌ, 16 ՕԳՈՍՏՈՍԻ, ԱՐՄԵՆՊՐԵՍ։ Գեղարքունիքի մարզի Սևան համայնքի Ծաղկունք գյուղում ընթանում են կենտրոնական հատվածի վերակառուցման աշխատանքները։ Ինչպես «Արմենպրես»-ը տեղեկացավ Սևանի համայնքապետարանի աշխատակազմից, ծրագիրն իրողություն է դարձել Համաշխարհային բանկի կողմից՝ ՀՀ կառավարության համաֆինանսավորմամբ:
Ծրագրով նախատեսված է 1760 քմ մակերեսով ասֆալտբետոնե ծածկույթի փոխարինում երկաթբետոնե ծածկույթով, եզրաքարերի փոխարինում, 844 քմ մակերեսով մայթերի սալիկապատում, որին կհաջորդի կանաչապատումը և բարեկարգումը։
Ծրագրի կապալառուն «Բլեսկ» ՍՊԸ-ի հայաստանյան մասնաճյուղն է:
Շինարարական աշխատանքները կավարտվեն այս տարվա ընթացքում։
Խոսրով Խլղաթյան