«Արարատ-Արմենիա»-ն լքում է պայքարը Կոնֆերենցիաների լիգայում
1 րոպեի ընթերցում
![«Արարատ-Արմենիա»-ն լքում է պայքարը Կոնֆերենցիաների լիգայում](http://armenpress.am/resized/480/storage/images/articles/2024/08/16/7Ntvp0YTutUxBSVlBDnUjQ4YxLw5zHNzbndS5Ipx.webp)
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Կոնֆերենցիաների լիգայի որակավորման երրորդ փուլի պատասխան խաղում «Արարատ-Արմենիա»-ն հյուրընկալվեց հունգարական «Պուշկաշ Ակադեմիա»-ին:
«Արմենպրես»-ի հաղորդմամբ` Բուդապեշտում կայացած խաղի առաջին կեսը գոլառատ էր: «Պուշկաշ Ակադեմիա»-ի կազմում դուբլի հեղինակ դարձավ Նոգին, իսկ «Արարատ-Արմենիա»-ից երկու գոլ խփեցին Սերոբյանն ու Հարությունյանը:
Երկրորդ կեսում «Արարատ-Արմենիա»-ին հաջողվեց խփել երրորդ գնդակը` առաջ անցելով հաշվի մեջ: Աչքի ընկավ Դուարտեն: Սակայն «Պուշկաշ Ակադեմիա»-ն կարողացավ հանդիպման ավելացված ժամանակում 3-րդ գնդակ ուղարկեց «Արարատ-Արմենիա»-ի դարպասը:
«Պուշկաշ Ակադմեիա»-«Արարատ-Արմենիա»` 3:3:
Թիմերի առաջին հանդիպում ավարտվել էր «Պուշկաշ Ակադեմիա»-ի նվազագույն հաշվով հաղթանակով: «Պուշկաշ Ակադեմիա»-ն էլ կշարունակի պայքարը Կոնֆերենցիաների լիգայի փլեյ-օֆֆում: