«Նոա»-ն կշարունակի պայքարը Կոնֆերենցիաների լիգայի փլեյ-օֆֆում
1 րոպեի ընթերցում
![«Նոա»-ն կշարունակի պայքարը Կոնֆերենցիաների լիգայի փլեյ-օֆֆում](http://armenpress.am/resized/480/storage/images/articles/2024/08/15/aoYpErEgLgzquDlWkA040g8EXe1MVFO4SYOs8Dal.webp)
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Ֆուտբոլի Կոնֆերենցիաների լիգայի որակավորման երրորդ փուլի պատասխան խաղում «Նոա»-ն արտագնա խաղում մրցեց հունական «ԱԵԿ»-ի հետ:
«Արմենպրես»-ի հաղորդմամբ` Հունաստանի մայրաքաղաք Աթենքի «ԱԵԿ»-ի մարզադաշտում կայացած խաղի առաջին կեսում վիճակագրությամբ «ԱԵԿ»-ն առավելության ուներ: «Նոա»-ի կազմում հաջող էր գործող դարպասապահ Չանչարևիչը: Խաղակեսի վերջնամասում հայկական ակումբը բազմաթիվ գրոհներ էր կազմակերպում, սակայն ապարդյուն:
Երկրորդ կեսի հիմնական մասում թիմերը չէին իրացնում իրենց պահերը: «ԱԵԿ»-ին հաջողվեց խաղավարտին մոտ միայն մեկ գնդակ ուղարկել «Նոա»-ի դարպասը: Հեղինակության գնդակը խփեց Զոբերը:
«ԱԵԿ»-«Նոա»` 1:0:
Թիմերի առաջին խաղում, որը կայացել էր Աբովյանի քաղաքային մարզադաշտում, «Նոա»-ն առավելության էր հասել 3:1 հաշվով: Երկու խաղերի ընդհանուր հաշվով փլեյ-օֆֆ դուրս եկավ հայկական ակումբը:
Կոնֆերենցիաների լիգայի փլեյ-օֆֆի հանդիպումները կկայանան օգոստոսի 22-ին և 29-ին: