Վրաստանի ֆուտբոլի թիմի դարպասապահը հնարավոր է տեղափոխվի «Լիվերպուլ»

ԵՐԵՎԱՆ, 14 ՕԳՈՍՏՈՍԻ, ԱՐՄԵՆՊՐԵՍ: Վրաստանի ֆուտբոլի ազգային թիմի դարպասապահ Գիորգի Մամարդաշվիլին հնարավոր է տեղափոխվի անգլիական «Լիվերպուլ»:

«Արմենպրես»-ի հաղորդմամբ` այս մասին գրում են անգլիական ԶԼՄ-ները: «Լիվերպուլ»-ն արդեն համաձայնության է եկել Գիորգի Մամարդաշվիլիի հետ անձնական պայմանագրի շուրջ: Իսպանական «Վալենսիա»-ն ու անգլիական «Լիվերպուլ»-ը, սակայն, դեռևս շարունակում են բանակցությունները դարպասապահի տրանսֆերի շուրջ: 

Ըստ մի շարք ԶԼՄ-ների՝ «Լիվերպուլ»-ը վրացու տրանսֆերի համար պատրաստ է վճարել 30 մլն եվրո: 

Գիորգի Մամարդաշվիլիի ներկայիս գործող պայմանագիրը «Վալենսիա»-ի հետ նախատեսված է մինչև 2027 թվականը: