Նախիջևանում ականի պայթյունից ադրբեջանցի է վիրավորվել

ԵՐԵՎԱՆ, 12 ՕԳՈՍՏՈՍԻ, ԱՐՄԵՆՊՐԵՍ։ Նախիջևանի ինքնավար հանրապետության Շահբուզի շրջանում օգոստոսի 11-ին տեղի ունեցած ականի պայթյունի հետևանքով տարբեր ծանրության վնասվածքներ է ստացել Շարուրի շրջանի բնակիչ Բախտիյար Սուլթանովը։

«Արմենպրես»-ի փոխանցմամբ՝  այս մասին հայտնում են ադրբեջանական լրատվամիջոցները:

 2005 թվականին ծնված Սուլթանովը տեղափոխվել է հիվանդանոց, որտեղ ստացել է անհրաժեշտ բուժօգնություն։ Նրա վիճակը շարունակում է մնալ ծանր։

Ադրբեջանական լրատվամիջոցների տեղեկության համաձայն՝ դեպքի առթիվ Շահբուզի շրջանի դատախազությունում հետաքննություն է ընթանում։