Անկարայում բնակելի շենքում պայթյունի հետևանքով մեկ մարդ է զոհվել․ ԶԼՄ
1 րոպեի ընթերցում
![Անկարայում բնակելի շենքում պայթյունի հետևանքով մեկ մարդ է զոհվել․ ԶԼՄ](http://armenpress.am/resized/480/storage/images/articles/2024/08/06/Yhzk6MRZbOH11q1jpwVQIUcylYOxlLQBISdmtUhu.webp)
ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ։ Անկարայի Չանքայա բնակելի թաղամասի շենքերից մեկում պայթյուն է որոտացել, որի հետևանքով մեկ մարդ է զոհվել։
«Արմենպրես»-ի հաղորդմամբ՝ այս մասին հայտնում է Turkiye պարբերականը՝ հավելելով, որ պայթյունը, ենթադրաբար, տեղի է ունեցել բնական գազի արտահոսքի հետևանքով։
Հաղորդվում է, որ միջադեպին արձագանքել են մի քանի առողջապահական խմբեր, ոստիկանությունը և կոմունալ ծառայությունները։
Ըստ աղբյուրի՝ հրշեջ-փրկարարների օպերատիվ միջամտության շնորհիվ պայթյունից հետո ծագած հրդեհը հաջողվել է վերցնել վերահսկողության ներքո։