ՌԴ-ի Տուապսեի շրջանում 3,7 մագնիտուդ ուժգնությամբ երկրաշարժ է տեղի ունեցել
1 րոպեի ընթերցում
![Seismograph with paper in action and earthquake - 3D Rendering](http://armenpress.am/resized/480/storage/images/articles/2024/07/27/787gEUpGyJBGr9IFRjsSCcmXrm9WgEPB3EpoOvtf.webp)
ԵՐԵՎԱՆ, 27 ՀՈՒԼԻՍԻ, ԱՐՄԵՆՊՐԵՍ։ Ռուսաստանի Դաշնության Կուբանի Տուապսեի շրջանում հուլիսի 27-ին երկու երկրաշարժ է տեղի ունեցել։
«Արմենպրես»-ի հաղորդմամբ՝ այս մասին հայտնում է «ՌԻԱ Նովոստի»-ն՝ հավելելով, որ զոհեր և ավերածություններ չկան։
Ավելի վաղ, Տուապսեի շրջանի իշխանությունները հայտնել էին, որ Մոսկվայի ժամանակով մոտավորապես 9.30-ին 3,7 մագնիտուդով երկրաշարժ է տեղի ունեցել Տուապսեի և Լազարևսկու միջև՝ ափից 40 կմ հեռավորության վրա՝ հինգ կիլոմետր խորության վրա։ Զոհերի կամ ավերածությունների մասին տեղեկություններ չէին հաղորդվում։
«3,7 մագնիտուդով երկրորդ ցնցումը գրանցվել է Տուապսեի շրջանում՝ ժամը 11.19-ին, նշվում է, որ երկրաշարժի էպիկենտրոնը գտնվել է ծովում՝ Տուապսեի և Լազորևսկու միջև՝ ափից 4,6 կմ խորության վրա», - հաղորդել է գործակալությունը։
Նշվում է, որ ավերածություններ կամ զոհեր չկան։ Թեև երկու հարվածներն էլ հավասար ուժի են եղել, երկրորդը ցամաքում ավելի քիչ է զգացվել։