Ուկրաինայի նախագահը երկրի ԶՈՒ ռազմաօդային ուժերի հրամանատարին ազատելու հրամանագիր է ստորագրել
1 րոպեի ընթերցում
![Ուկրաինայի նախագահը երկրի ԶՈՒ ռազմաօդային ուժերի հրամանատարին ազատելու հրամանագիր է ստորագրել](http://armenpress.am/resized/480/storage/images/articles/2024/08/30/yqKTEDTWLhf6ncPVlf7PrMJi039cCKEWe14Zeom9.webp)
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ։ Ուկրաինայի նախագահ Վոլոդիմիր Զելենսկին Ուկրաինայի զինված ուժերի ռազմաօդային ուժերի հրամանատար Նիկոլայ Օլեշչուկին հեռացրել է զբաղեցրած պաշտոնից։
«Արմենպրես»-ի փոխանցմամբ՝ այս մասին նշված է Ուկրաինայի նախագահի ստորագրած հրամանում։
«Նիկոլայ Նիկոլաևիչ Օլեշչուկին ազատել Ուկրաինայի Զինված ուժերի ռազմաօդային ուժերի հրամանատարի պաշտոնից», - նշված է փաստաթղթում։
Ավելի վաղ Wall Street Journal թերթը, հիմնվելով իր աղբյուրներին, հայտնել էր, որ օդաչուի սխալի հետևանքով Ուկրաինան կորցրել է իրեն փոխանցված ամերիկյան F-16 կործանիչներից առաջինը:
Ամերիկացի մեկ այլ պաշտոնյա, որի անունը չի նշվում, Reuters գործակալությանը հայտնել է, որ ինքնաթիռի կործանումը պայմանավորված չէ ռուսական զորքերի գործողություններով: