Լեռնագոգում ԼՂ-ից բռնի տեղահանված ընտանիքների համար կառուցվում է 14 առանձնատուն և մանկապարտեզ
1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ։ Արմավիր մարզ կատարած այցի շրջանակներում վարչապետ Նիկոլ Փաշինյանը այցելել է Լեռնագոգ բնակավայր։ «Արմենպրես»-ի հաղորդմամբ՝ Փաշինյանն այս մասին գրել է «Ֆեյսբուք»-ի իր էջում։
Նա նշել է, որ Լեռնագոգ բնակավայրում «Հայաստան» համահայկական հիմնադրամի միջոցներով ԼՂ-ից բռնի տեղահանված ընտանիքների համար կառուցվում է 14 առանձնատուն և մանկապարտեզ:
«Ծրագրի ընդհանուր արժեքը 719 մլն դրամ է։ Կառավարության որոշմամբ Արմավիրի մարզպետի աշխատակազմին հատկացվել է 33 մլն դրամ՝ մանկապարտեզը գույքով և տեխնիկայով ապահովելու համար»,- գրել է վարչապետը։
Փաշինյանը նաև տեղեկացրել է, որ Լեռնագոգում «Փաուեր սոլար» ընկերությունը կառուցել է 60 Մվտ հզորությամբ արևային կայան, ներդրումը կազմել է 12,3 մլրդ դրամ:
«Ներդրումային ծրագրին նպաստել է նաև կառավարության ընդունած՝ բանկային տոկոսների սուբսիդավորման ծրագիրը»,- գրել է Փաշինյանը։