Բելգիան ողջունում է Խաղաղության եվրոպական հիմնադրամից Հայաստանին օգնություն հատկացնելու որոշումը

ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ։ Բելգիան ողջունում է Հայաստանին Խաղաղության եվրոպական հիմնադրամից 10 միլիոն եվրո տրամադրելու մասին Եվրոպական միության խորհրդի որոշումը։

«Բելգիան ողջունում է Եվրոպայի խաղաղության հիմնադրամի միջոցով Հայաստանին աջակցելու Խորհրդի որոշումը»,- «Արմենպրես»-ի հաղորդմամբ՝ նշված է Բելգիայի ԱԳ նախարարության «X»-ի միկրոբլոգում։

ԵՄ-ն առաջին անգամ Խաղաղության եվրոպական հիմնադրամից Հայաստանին կտրամադրի 10 մլն եվրո։ Հայաստանի Հանրապետությանն աջակցելու համար տրամադրվելիք օգնության նպատակն է բարձրացնել Հայաստանի զինված ուժերի նյութատեխնիկական կարողությունները և նպաստել ճգնաժամային և արտակարգ իրավիճակներում խաղաղ բնակչության պաշտպանության բարելավմանը:

🇧🇪🇦🇲 Belgium welcomes the Council's decision to support Armenia through the European Peace Facility.
Learn more about the matter in the @eu_eeas video below⤵️ https://t.co/skgfQyvr3p

— 🇧🇪 Belgium MFA (@BelgiumMFA) July 26, 2024