361.93
Քննարկվել են ՀՀ-ում քաղաքաշինության ոլորտի զարգացման հեռանկարներն ու ընթացիկ ծրագրերը
2 րոպեի ընթերցում
ՀՀ էկոնոմիկայի նախարար Գևորգ Պապոյանը հոկտեմբերի 9-ին մասնակցել է «Քաղաքաշինության ներկան և զարգացման հեռանկարները» խորագրով աշխատաժողովին։
«Արմենպրես»-ի փոխանցմամբ՝ ՀՀ էկոնոմիկայի նախարարությունից հայտնում են, որ իր ելույթում Գևորգ Պապոյանը կարևորել է ներդրումների ներգրավման, ոլորտի կայուն զարգացման և քաղաքացիների բնակարանային պայմանների բարելավման համար անհրաժեշտ պայմանների ձևավորումը։
«Մեր նպատակը պետք է լինի այնպիսի պայմանների ձևավորումը, որոնք միաժամանակ կնպաստեն ներդրումների ներգրավմանը, ոլորտի կայուն զարգացմանը և քաղաքացիների համար որակյալ ու հասանելի բնակարանային միջավայրի ապահովմանը», - նշել է նախարարը։
Աշխատաժողովի ընթացքում քննարկվել են ՀՀ-ում քաղաքաշինության ոլորտի զարգացման հեռանկարներն ու ընթացիկ ծրագրերը, օրենսդրական և գործնական նախաձեռնությունները։ Անդրադարձ է կատարվել ժամանակակից քաղաքաշինական մոտեցումների կիրառմանը, քաղաքային միջավայրի բարելավմանը, բնակավայրերի կայուն և համաչափ զարգացմանը, ոլորտում նորարարական լուծումների և միջազգային լավագույն փորձի կիրառմանը։
Մասնակիցները կարևորել են պետական և մասնավոր հատվածների միջև արդյունավետ երկխոսության և համագործակցության շարունակական ամրապնդումը՝ որպես քաղաքաշինության ոլորտի կայուն զարգացման, ներդրումային միջավայրի բարելավման և նոր ծրագրերի իրականացման կարևոր նախապայման։
Բաժանորդագրվեք մեր ալիքին Telegram-ում