Իրաքը կձգտի մինչև 2025 թվականի սեպտեմբեր հասնել իր տարածքից կոալիցիոն զորքերի դուրսբերմանը. Reuters
1 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Իրաքի իշխանությունները մտադիր են մինչև 2025 թվականի սեպտեմբեր հասնել երկրի տարածքից ԱՄՆ-ի գլխավորած միջազգային կոալիցիայի զորքերի դուրսբերմանը։ Ինչպես հաղորդում է «Արմենպրես»-ը, այդ մասին հաղորդել է Reuters գործակալությունը։
Իրաքի ներկայացուցիչներն այս շաբաթ Վաշինգտոնում ԱՄՆ իշխանությունների հետ քննարկում են կոալիցիոն զորքերի դուրսբերման ծրագիրը, սակայն առայժմ կողմերը համաձայնության չեն եկել դրա գործունեության դադարեցման կամ զորքերի դուրսբերման ժամանակացույցի շուրջ։ Իրաքյան կողմն ակնկալում է, որ օտարերկրյա զինվորականների մեծ մասը կհեռանա երկրի տարածքից։ Ամերիկացի պաշտոնյաներն իրենց հերթին հույս ունեն, որ զորակազմի մի մասը կմնա Իրաքում խորհրդատվական առաքելության շրջանակներում։
Reuters-ը գրում է, Իրաքում են գտնվում մոտ 2,5 հազար ամերիկացի զինծառայողներ։
ԱՄՆ-ի գլխավորած կոալիցիան ստեղծվել է 2014 թվականին՝ առաջին հերթին հակազդելու «Իսլամական պետություն»(ԻՊ) խմբավորման ահաբեկիչներին: Գործակալությունը նշում է, որ Վաշինգտոնը ձգտում է պահպանելու ներկայությունն Իրաքում, որպեսզի օգնի իր զորակազմին Սիրիայում, որտեղ կան մոտ 900 ամերիկացի զինվորականներ։