Ստեփանավանում տեղի ունեցած ՃՏՊ-ի հետևանքով ավտոմեքենան կողաշրջվել է

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ։ Լոռու մարզային փրկարարական վարչության ճգնաժամային կառավարման կենտրոնն հուլիսի 12-ին ժամը 23:35-ին ահազանգ է ստացվել, որ Ստեփանավան քաղաքի Բաղրամյան-Երիտասարդական փողոցների խաչմերուկում տեղի է ունեցել ՃՏՊ, ավտոմեքենան կողաշրջվել է:

«Արմենպրես»-ի հաղորդմամբ՝ ՀՀ ՆԳՆ փրկարար ծառայությունից հայտնում են, որ պարզվել է՝ Բաղրամյան-Երիտասարդական փողոցների խաչմերուկում «GAZel» մակնիշի բեռնատար ավտոմեքենան (վարորդ՝ Ն. Գ., ծնված 1978 թ.) դուրս է եկել ճանապարհի երթևեկելի հատվածից և կողաշրջվել. տուժածներ չկան։

Հաղորդվում է, որ փրկարարներն ավտոմեքենան ուղղել և դուրս են բերել ճանապարհի երթևեկելի հատված: