1 րոպեի ընթերցում
ԵՐԵՎԱՆ, 12 ՀՈՒԼԻՍԻ, ԱՐՄԵՆՊՐԵՍ։ Մերձմոսկովյան շրջանի Կոլոմենսկի շրջանում կործանվել է «Սուխոյ Սուպերջեթ 100» ինքնաթիռը։ Օդանավում եղել է անձնակազմի 3 անդամ, որոնք բոլորը զոհվել են։ «Արմենպրես»-ի փոխանցմամբ՝ այդ մասին հաղորդում է ՏԱՍՍ գործակալությունը։
Նախքան կործանվելը ինքնաթիռը երկնքում է գտնվել մեկ ժամից ավելի։ Ավիավթարը տեղի է ունեցել, երբ պլանային վերանորոգումից հետո ինքնաթիռը փորձնական թռիչք էր կատարում։
Օպերատիվ ծառայություններում ՏԱՍՍ-ին հայտնել են, որ 2014 թվականին արտադրված ինքնաթիռը պատկանում էր «Գազպրոմ»-ին։