ՀՀ-ում Բելգիայի դեսպանն այցելել է Սյունիքի մարզ

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետությունում Բելգիայի Թագավորության արտակարգ և լիազոր դեսպան Էրիկ Դե Մույնքը՝ Եվրոպական միության դիտորդական առաքելության ուղեկցությամբ այցելել է Սյունիքի օդանավակայան, եղել մարզի մի քանի համայնքներում։  

«Արմենպրես»-ի հաղորդմամբ՝ այս մասին նշված է ՀՀ-ում ԵՄ դիտորդական առաքելության X-ի միկրոբլոգում կատարված գրառման մեջ։ 

«Պատիվ է նախորդ շաբաթվա վերջում Կապանում հյուրընկալել Հայաստանում Բելգիայի դեսպան Էրիկ Դե Մույնքին։ Դեսպանն այցելել է Սյունիք օդանավակայան և սահմանամերձ մի քանի համայնքներ», - նշված է ԵՄ դիտորդական առաքելության գրառման մեջ։ 

Honoured to host Ambassador of Belgium to Armenia H.E. Eric De Muynck 🇧🇪 in Kapan last weekend. The Ambassador visited the Syunik Airport and several communities in the border area.@BelgiumArmenia pic.twitter.com/Mla492jznd

— European Union Mission in Armenia (@EUmARMENIA) July 10, 2024