ՀՀ ԱԳ նախարարը վերահաստատել է Բաքվի հետ ամենակարճ ժամկետում խաղաղության պայմանագիր ստորագրելու Երևանի քաղաքական կամքը

ԵՐԵՎԱՆ, 11 ՀՈՒԼԻՍԻ, ԱՐՄԵՆՊՐԵՍ։ Հայաստանի Հանրապետության արտգործնախարար Արարատ Միրզոյանը Վաշինգտոնում Ադրբեջանի արտգործնախարար Ջեյհուն Բյարամովի և ԱՄՆ պետքարտուղար Էնթոնի Բլինքենի հետ հանդիպումից հետո ևս մեկ անգամ վերահաստատել է Բաքվի հետ խաղաղության պայմանագիրն ամենասեղմ ժամկետներում ավարտին հասցնելու և կնքելու Երևանի քաղաքական կամքը։

«Արմենպրես»-ի փոխանցմամբ՝ այս մասին ՀՀ ԱԳ նախարարը նշել է X-ի իր միկրոբլոգում կատարած գրառման մեջ։

«Ինչպես հայտարարվել է, Հայաստանն ունի քաղաքական կամք՝ Ադրբեջանի հետ ամենակարճ ժամկետներում ավարտին հասցնելու և կնքելու խաղաղության պայմանագիրը՝ նպատակ ունենալով տևական խաղաղություն և կայունություն հաստատել Հարավային Կովկասում», - գրել է Արարատ Միրզոյանը։

Expressed gratitude to #US @SecBlinken for hosting trilateral meeting in Washington today.

As announced, #Armenia has political will to finalize & conclude the peace treaty w/#Azerbaijan in soonest timeframe, aimed at establishing lasting peace & stability in #SouthCaucasus. pic.twitter.com/h4N5ScMQh0

— Ararat Mirzoyan (@AraratMirzoyan) July 10, 2024