1 րոպեի ընթերցում
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Եվրոպայի առաջնությունում հուլիսի 10-ին կկայանա կիսաեզրափակիչ երկրորդ հանդիպումը` Նիդերլանդներ-Անգլիա:
«Արմենպրես»-ի հաղորդմամբ` Դորտմունդում կայանալիք խաղը կմեկնարկի Երևանի ժամանակով 23:00-ին:
Նիդերլանդներն ու Անգլիան միմյանց հետ մրցել են 22 անգամ: 7 անգամ հաղթել է Նիդերլանդները, 6 անգամ` Անգլիան, 9 հանդիպում ավարտվել է ոչ-ոքի: Թիմերից ամենաշատ գոլերը խփել է Անգլիան` 31 գնդակ:
Քառորդ եզրափակչում Նիդերլանդները պայքարից դուրս թողեց Թուրքիային, իսկ Անգլիան` Շվեյցարիային:
Եզրափակչի առաջին մասնակիցն Իսպանիան է, որը կիսաեզրափակչում 2:1 գերազանցեց Ֆրանսիային: