Թուրք ֆուտբոլիստը խփած գոլը տոնել է «Գորշ գայլեր»-ի ժեստով. սոցցանցերում պահանջում են որակազրկել նրան

ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ։ Թուրքիայի ֆուտբոլի ազգային հավաքականի կենտրոնական պաշտպան Մերիհ Դեմիրալը Եվրոպայի առաջնության 1/8 եզրափակչի Ավստրիայի դեմ խաղի ժամանակ իր խփած գոլը տոնելիս՝ ցույց է տվել ծայրահեղ ազգայնական «Գորշ գայլեր» կազմակերպության ժեստը։ «Արմենպրես»-ի հաղորդմամբ՝ սոցիալական ցանցերում տարբեր կազմակերպություններ և օգտատերեր պահանջում են հատաքննություն անցկացնել և որակազրկել ֆուտբոլիստին։ 

«Թուրքիայի հավաքականի խաղացող Մերիհ Դեմիրալը պետք է որակազրկվի մինչև Եվրո-2024-ի ավարտը ֆաշիստական և ռասիստական նշանի համար, որը նա ցույց է տվել՝ իր գոլը տոնելիս»,- «X»-ի իր էջում գրել է «Քուրդիստանի Ամերիկյան բարեկամներ» կազմակերպության համահիմնադիր Դիլիման Աբդուլքադերը։

Turkey’s Merih Demiral must be banned for the rest of @EURO2024 for the fascist and racist symbol he made during his goal celebration.

This is equivalent to the Nazi salute.

Cc: @UEFA pic.twitter.com/3831lQ32Fm

— Diliman Abdulkader (@D_abdulkader) July 2, 2024

Գերմանական «WELT» հեռուստաընկերությունն առանձին հոդվածով անդրադարձել է միջադեպին «Դեմիրալը Եվրոպայի առաջնությունում Թուրքիայի գոլը տոնում է ծայրահեղական գայլի ողջույնով» վերնագրով և նշել, որ այդ ժեստը խաղին հաղորդել է ծայրահեղ ազգայնական երանգ: 

„Ich bin sehr stolz darauf, ein Türke zu sein. Das war Sinn der Geste“ https://t.co/KG0jRB6M3B pic.twitter.com/omSPGfUC2H

— WELT (@welt) July 3, 2024

Գերմանացի լրագրող Թոբիաս Հուչը «Գորշ գայլերի» ողջույնը համեմատում է նացիստական Գերմանիայում «հիտլերյան ողջույնի» հետ։  

Der Torschütze Merih Demiral macht im Stadion den #Faschisten-Gruß der Grauen Wölfe. Der propagiert "den Türken" als "Herrenrasse", der alle "minderwertigen Menschen" (#Kurden, #Juden, #Christen, #Armenier, #Jesiden, #Aleviten, etc.) ausrotten muss.
Er ist zu vergleichen mit dem… pic.twitter.com/b2dsA0ulM4

— Tobias Huch (@TobiasHuch) July 2, 2024

«Գոլի հեղինակ Մերիհ Դեմիրալը ստադիոնում «Գորշ գայլերի» ֆաշիստական ողջույն է տվել։ Նա թուրքերին համարում է որպես «բարձրագույն ռասա», որը պետք է ոչնչացնի բոլոր «ցածրագույն ռասաներին» (քրդեր, հրեաներ, քրիստոնյաներ, հայեր, եզդիներ և այլն): Սա կարելի է համեմատել Հիտլերի գերմանական ողջույնի հետ, քանի որ «Գորշ գայլերը» նաև Ադոլֆ Հիտլերին տեսնում են որպես ռասիզմի և բնաջնջման գաղափարախոսության մոդելներից մեկը: Այս ամենը պետք է հանգեցնի Դեմիրալի՝ Եվրո-2024-ին մասնակցության արգելմանը»,- X-ի իր միկրոբլոգում գրել է գերմանացի լրագրողը։ 

Շվեդ գրող և լրագրող Ռասմուս Կանբեքը ևս կարծում է, որ ՈՒԵՖԱ-ն կարգապահական միջոցներ պետք է ձեռնարկի Թուրքիայի ֆուտբոլի ֆեդերացիայի դեմ այս ծայրահեղ ռասիստական ժեստի համար:  

I assume UEFA will enforce disciplanary actions against the Turkish football federation for this utterly racist gesture. https://t.co/KikFjcYn3E

— Rasmus Canbäck (@CanbackRasmus) July 3, 2024

Թեմային անդրադարձել է նաև ԱՄՆ Հայ դատի հանձնախումբը:

«Թուրքիայի կենտրոնական պաշտպան Մերիհ Դեմիրալը Եվրոպայի առաջնությունում Ավստրիայի դարպասը գրաված իր գոլը տոնել է ֆաշիստական «Գորշ գայլեր»-ի ողջույնով․ ռասիստական ժեստ, որը թունավոր ատելություն և ցեղասպանություն է արտահայտում քրիստոնյաների և քրդերի դեմ: Դեմիրալը պետք է ցմահ հեռացվի միջազգային բոլոր խաղերին մասնակցելուց»,- նշված է Հայ դատի տարածած հայտարարության մեջ։ 

Turkish center-back Merih Demiral “celebrates” his goal against Austria in today’s European championship with a fascist Grey Wolves salute - a racist gesture of toxic hatred and genocidal violence against Christians and Kurds.

Demiral should be red-carded - banned for life from… pic.twitter.com/3GjzZ7Kvlf

— ANCA (@ANCA_DC) July 3, 2024