Հայ-ռուսական երիտասարդական համաժողով՝ Գավառում
1 րոպեի ընթերցում
![Հայ-ռուսական երիտասարդական համաժողով՝ Գավառում](http://armenpress.am/resized/480/storage/images/articles/2024/07/02/K6ko0LWhWeZLaKXsxcodlANL983DwTkgDa6DZRzz.webp)
ԳԱՎԱՌ, 2 ՀՈՒԼԻՍԻ, ԱՐՄԵՆՊՐԵՍ։ ՀՀ 2024 թվականի երիտասարդական մայրաքաղաք Գավառում տեղի է ունեցել հայ-ռուսական երիտասարդական համաժողով։
Ինչպես «Արմենպրես»-ը տեղեկացավ Գավառի համայնքապետարանի աշխատակազմից, համաժողովի բացման արարողությանը ելույթներով հանդես են եկել ԿԳՄՍ նախարարության երիտասարդության հարցերի վարչության պետ Զառա Ասլանյանը, ՌԴ Գիտության և բարձրագույն կրթության նախարարության պետական երիտասարդական քաղաքականության և դաստիարակչական գործունեության դեպարտամենտի տնօրեն Դմիտրի Պակրովսկին, ՀՀ-ում ՌԴ դեսպանի կցորդ Դենիս Նազարովը և Գավառի համայնքապետարանի սպորտի և երիտասարդության հարցերի պատասխանատու Նարեկ Մուրադյանը։
Երկու օրերի ընթացքում համաժողովին մասնակից ուսանողները, երիտասարդական կազմակերպությունների ներկայացուցիչները և երիտասարդ առաջնորդները տարբեր թեմաներով անցկացրել են քննարկումներ, մասնակցել էքսկուրսիաների, ծանոթացել Հայաստանի, մասնավորապես Գավառի խոհանոցին, իրականացրել միջմշակութային ճանաչողական այցեր:
Խոսրով Խլղաթյան