Գեղարքունիքի մարզի դպրոցականների առաջին խումբը մեկնել է «Հասմիկ» ճամբար
1 րոպեի ընթերցում
![Գեղարքունիքի մարզի դպրոցականների առաջին խումբը մեկնել է «Հասմիկ» ճամբար](http://armenpress.am/resized/480/storage/images/articles/2024/07/02/ZppuqMc4x5SYqnfnDmG5KueEnkIcCMM8W9GxJ9Cn.webp)
ԳԱՎԱՌ, 2 ՀՈՒԼԻՍԻ, ԱՐՄԵՆՊՐԵՍ։ Գեղարքունիքի մարզի դպրոցականների առաջին՝ 115 հոգանոց խումբը հուլիսի 1-ին մեկնել է մանկական առողջարանային «Հասմիկ» ճամբար։
Ինչպես «Արմենպրես»-ը տեղեկացավ Գեղարքունիքի մարզպետի աշխատակազմից, մարզի բոլոր համայնքներից ընտրվել է սահմանված չափորոշիչներին համապատասխանող 230 դպրոցական:
Առողջարանային հանգստի մեկնելու հնարավորությունից օգտվում են զոհված, հաշմանդամություն ձեռք բերած կամ հաշմանդամություն ունեցող զինծառայողների և աշխարհազորայինների, ծնողազուրկ ու ընտանիքների անապահովության գնահատման համակարգում հաշվառված ընտանիքների (նախապատվությունը տալով բազմազավակ՝ 4 և ավելի երեխա ունեցողներին, այնուհետև՝ ընտանիքների անապահովության գնահատման բարձր միավոր ունեցողներին) 7-13 տարեկան երեխաներ։
Հանգստացողների առաջին խումբը ճամբարում կմնա մինչև հուլիսի 20-ը, իսկ երկրորդ՝ 115 հոգանոց խումբը կհերթափոխի հուլիսի 20-ից օգոստոսի 8-ն ընկած ժամանակահատվածում։
Խոսրով Խլղաթյան