Վաղարշակ Հարությունյանը հանդիպել է Բելգորոդի հայկական համայնքի ներկայացուցիչների հետ
1 րոպեի ընթերցում
![Վաղարշակ Հարությունյանը հանդիպել է Բելգորոդի հայկական համայնքի ներկայացուցիչների հետ](http://armenpress.am/resized/480/storage/images/articles/2024/07/01/IAbowQ0LTlraD5DNXWOgB6MOMjRXeFASTJhQfMnz.webp)
ՄՈՍԿՎԱ, 1 ՀՈՒԼԻՍԻ, ԱՐՄԵՆՊՐԵՍ։ Ռուսաստանում Հայաստանի արտակարգ եւ լիազոր դեսպան Վաղարշակ Հարությունյանը հուլիսի 1-ին հանդիպել է Բելգորոդի հայկական համայնքի ներկայացուցիչների հետ։
«Հայկական և ռուսական ազգային համայնքները երկու երկրների միջև դաշնակցային հարաբերությունների հիմքն են։ Մենք ունենք ընդհանուր պատմություն միասնական պետության կազմում` Ցարական Ռուսաստանից մինչեւ Սովետական Միություն։ Եւ այսօր ապրում ենք շատ ծանր ժամանակաշրջանում, երբ ամենուր տեղի են ունենում աշխարհաքաղաքական փոփոխություններ, որոնք ազդեցություն են ունենում ինչպես Ռուսաստանի, այնպես էլ Հայաստանի վրա»,- «Արմենպրես»-ի թղթակցի հաղորդմամբ՝ իր խոսքում նշել է դեսպանը` ընդգծելով, որ նորագույն պատմության ընթացքում հայ ժողովուրդը Ռուսաստանի Դաշնության հետ արժանավայել ճանապարհ է անցել։
Ռուսաստանում Հայաստանի դեսպան Վաղարշակ Հարությունյանը հուլիսի 1-ին աշխատանքային այցով ՌԴ Բելգորոդի մարզում է։