Ստոլտենբերգը Բրյուսելում հանդիպում կունենա Զելենսկու հետ

ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: ՆԱՏՕ-ի գլխավոր քարտուղար Յենս Ստոլտենբերգը հունիսի 27-ին դաշինքի կենտրոնակայանում կընդունի Վլադիմիր Զելենսկիին` ԵՄ-ի գագաթնաժողովին մասնակցելու նպատակով Բրյուսել կատարած նրա այցի ժամանակ:

Ինչպես «Արմենպրես»-ը տեղեկանում է ՌԻԱ Նովոստի գործակալությունից, այդ մասին հաղորդել են Հյուսիսատլանտյան դաշինքի մամուլի ծառայությունում։

«Հինգշաբթի օրը՝ հունիսի 27-ին, ՆԱՏՕ-ի գլխավոր քարտուղար Յենս Ստոլտենբերգը Բրյուսելում գտնվող կենտրոնակայանում կընդունի Վլադիմիր Զելենսկիին»,- ասվում է մամուլի ծառայության հաղորդագրության մեջ։

Հաղորդվում է նաև, որ նախնական ոչ մի միջոցառում ԶԼՄ-ների համար պլանավորված չէ։