ՆԱՏՕ-ն Ուկրաինայի օդային տարածքում ռուսական ինքնաթիռներ չի խոցի․ Ստոլտենբերգ
1 րոպեի ընթերցում
![ՆԱՏՕ-ն Ուկրաինայի օդային տարածքում ռուսական ինքնաթիռներ չի խոցի․ Ստոլտենբերգ](http://armenpress.am/resized/480/storage/images/articles/2024/07/15/W7RVwGEIEihO83Dnsal2GsK0hUo80W3onvDjVUL1.webp)
ԵՐԵՎԱՆ, 15 ՀՈՒԼԻՍԻ, ԱՐՄԵՆՊՐԵՍ: ՆԱՏՕ-ի զորքերը չպետք է ուղղակիորեն մասնակցեն ուկրաինական հակամարտությանը, այդ թվում` խոցեն ռուսական ինքնաթիռներն ու հրթիռներն Ուկրաինայի տարածքում։ «Արմենպրես»-ի փոխանցմամբ՝ այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգն ուկրաինական ТСН հեռուստաալիքի եթերում։
«ՆԱՏՕ-ի քաղաքականությունն անփոփոխ է. մենք չենք մասնակցի այդ հակամարտությանը…. Մենք կաջակցենք Ուկրաինային ռուսական ինքնաթիռների ոչնչացման հարցում, բայց ՆԱՏՕ-ն ուղղակիորեն չի ներքաշվի», - ասել է Ստոլտենբերգը:
ՆԱՏՕ-ի գլխավոր քարտուղարը նաև ընդգծել է, որ դաշինքը կշարունակի ռազմական օգնություն ցուցաբերել Կիևին, այդ թվում՝ ամրապնդելով երկրի հակաօդային պաշտպանությունը։
Ստոլտենբերգի խոսքով՝ ՆԱՏՕ-ի դաշնակիցները վճռական են՝ հնարավորինս շուտ F-16 կործանիչներ մատակարարելու Կիևին։
ՆԱՏՕ-ի՝ հուլիսի 9-ից 11-ը կայացած գագաթնաժողովի ամփոփիչ հռչակագրում դաշինքի երկրների ղեկավարները հավաստիացրել են, որ կշարունակեն աջակցել Ուկրաինային «լիակատար եվրաատլանտյան ինտեգրման, ներառյալ ՆԱՏՕ-ին անդամակցելու անշրջելի ճանապարհին»։