Իտալիայում պայթյուն է որոտացել ալյումինի արտադրության գործարանում
1 րոպեի ընթերցում
![Իտալիայում պայթյուն է որոտացել ալյումինի արտադրության գործարանում](http://armenpress.am/resized/480/storage/images/articles/2024/06/21/1A5vy9f9YX3HcZIkBiIP1UPdjoAM0hsdJV5HXez6.webp)
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Իտալիայի հյուսիսում՝ Բոլցանո քաղաքի ալյումինի արտադրության գործարանում, պայթյուն է տեղի ունեցել։ 8 մարդ վիրավորվել է, նրանց մոտ կան ուժեղ այրվածքներ։ «Արմենպրես»-ի փոխանցմամբ՝ այս մասին հաղորդում է Rai News պարբերականը։
Պայթյունը տեղի է ունեցել լույս հունիսի 21-ի գիշերը։ Տուժածներից մեկի վիճակը ծայրահեղ ծանր է, նա գտնվում է վերակենդանացման բաժանմունքում։
Պայթյունից հետո հրդեհ է բռնկվել, որը մարվել է մի քանի հրշեջ հաշվարկների ժամանումից հետո։
Պայթյունի պատճառները չեն հաղորդվում։ Կատարվում է հետաքննություն։