Կրթություն

Հայտնի են «Ռուսաց լեզու» և «Քիմիա» առարկաների միասնական քննությունների նախնական արդյունքները

3 րոպեի ընթերցում

Հայտնի են «Ռուսաց լեզու» և «Քիմիա» առարկաների միասնական քննությունների նախնական արդյունքները

ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ։ Հայտնի են Ռուսաց լեզու և Քիմիա առարկաներից հունիսի 11-ին անցկացված միասնական քննությունների նախնական արդյունքները։

«Արմենպրես»-ի թղթակցի հետ զրույցում Գնահատման և թեստավորման կենտրոնի մամուլի քարտուղար Խաչանուշ Գրիգորյանը տեղեկացրեց, որ երկու միասնական քննությունների գնահատականներն ու արդյունքները խիստ նախնական են,  քանի որ բոլոր քննությունների ավարտին հաջորդելու է բողոքարկման փուլը։ 

«Վերջին քննությունը նախատեսված է հունիսի 28-ին, որի արդյունքներն ամփոփելուց և բողոքարկման դիմումները ստանալուց հետո բոլոր առարկաների գծով բողոքարկման հանձնաժողով է ձևավորվելու ու քննարկվելու են դիմումները։ Այսինքն՝ ներկայում հրապարակվող գնահատականները հնարավոր է որոշ չափով վերանայվեն բողոքարկման արդյունքում»,-պարզաբանեց Գրիգորյանը։ 

Անդրադառնալով ընթացիկ տարվա միասնական քննությունների երկրորդ փուլում մասնավորապես «Ռուսաց լեզու» առարկայից գրանցված արդյունքներին՝ ԳԹԿ խոսնակը տեղեկացրեց, որ հունվարին անցկացված առաջին փուլի համեմատ նվազել է 18-20 միավոր հավաքած դիմորդների թիվը։ 

Ընդհանուր առմամբ՝ «Ռուսաց լեզու» առարկայի միասնական քննության երկրորդ փուլին հայտագրվել է 259 դիմորդ, մասնակցել՝ 250-ը։  

Միասնական քննությունների երկրորդ փուլում նվազել է առավելագույն միավորներ գրանցած դիմորդների թիվը, որը կազմել է 1,2 տոկոս, հունվարին գրանցված  2,1 տոկոսի փոխարեն։

Մեր զրուցակցի դիտարկմամբ՝ անցած տարվա երկրորդ փուլի համեմատ այս տարվա նույն ցուցանիշի տարբերությունը մեծ չէ․2023-ին կազմել էր 1,1 տոկոս։ 

Ռուսաց լեզվի  քննության երկրորդ փուլում նվազել է միջին միավորը՝ առաջին փուլի 10,29 միավորի և անցած տարվա 10,34-ի փոխարեն կազմելով 9,57։

Անցած տարվա երկրորդ փուլի համեմատ այս տարի աճել է դրական միավորի շեմը՝ 7,5 միավորը չհաղթահարած դիմորդների թիվը, որը կազմել է  82 հոգի կամ մասնակիցների 32,8 տոկոսը՝  21,2 տոկոսի փոխարեն։

Հունվարին առաջին փուլում ևս անբավարար ստացած դիմորդների թիվը ցածր է եղել՝ 26,95 տոկոս։ 

Ինչ վերաբերում է «Քիմիա» առարկայից միասնական քննությանը, ապա Գրիգորյանի տեղեկատվությամբ՝ հայտագրված 1176 դիմորդից մասնակցել է 1124-ը։

Նախնական արդյունքներով՝ միջին միավորը կազմել է 11,14։

Քիմիայի միասնական քննությունից երկրորդ փուլում դրական միավորի շեմը չի հաղթահարել 321 դիմորդ կամ 28,6 տոկոսը, որն անցյալ տարի 26,7 տոկոս է եղել։

Այդուհանդերձ, այս տարվա առաջին փուլի՝  33,4 տոկոսի համեմատ անբավարար միավորներ ստացողների ցուցանիշը նվազել է։  

Ինչպես նշեց ԳԹԿ մամուլի քարտուղարը, այս տարի Քիմիայից 20 միավոր վաստակել է 7 դիմորդ, իսկ Ռուսաց լեզվից՝ 20 և 19 միավոր ստացողներ չեն եղել, 3 դիմորդ հավաքել է 18-18,75 միավոր։ 

 

 

 

 

 

Էստոնիան ողջունել է Հայաստանին աջակցելու և վիզային ռեժիմի ազատականացման երկխոսություն սկսելու վերաբերյալ ԵՄ որոշումները

Քաղաքականություն

Էստոնիան ողջունել է Հայաստանին աջակցելու և վիզային ռեժիմի ազատականացման երկխոսություն սկսելու վերաբերյալ ԵՄ որոշումները

Երևանի Օղակաձև այգում անցկացվել են սթրիթբոլի և սքեյթի մրցումներ

Սպորտ

Երևանի Օղակաձև այգում անցկացվել են սթրիթբոլի և սքեյթի մրցումներ

ՀՀ քննչական կոմիտեն քրեական վարույթ է նախաձեռնել Երևանի Արամ Խաչատրյան փողոցում կատարված սպանության փորձի դեպքով

Իրավունք

ՀՀ քննչական կոմիտեն քրեական վարույթ է նախաձեռնել Երևանի Արամ Խաչատրյան փողոցում կատարված սպանության փորձի դեպքով

ՀՀ ՄԻՊ-ն Արմավիրի մարզի Բաղրամյան համայնքի Շենիկ և Քարակերտ բնակավայրերում անցկացրել է խմբային պարապմունքներ

Իրավունք

ՀՀ ՄԻՊ-ն Արմավիրի մարզի Բաղրամյան համայնքի Շենիկ և Քարակերտ բնակավայրերում անցկացրել է խմբային պարապմունքներ

Ճանապարհի նորոգման համար հուլիսի 23-ից օգոստոսի 23-ը Երևանի Սասունցի Դավթի փողոցը փուլ առ փուլ միակողմանի կփակվի

Երևան

Ճանապարհի նորոգման համար հուլիսի 23-ից օգոստոսի 23-ը Երևանի Սասունցի Դավթի փողոցը փուլ առ փուլ միակողմանի կփակվի

Երկարաձգվել է «100 գաղափար Հայաստանի համար» մրցույթի հայտերի ընդունման փուլը

Հայտարարություններ

Երկարաձգվել է «100 գաղափար Հայաստանի համար» մրցույթի հայտերի ընդունման փուլը

Սովորել հայերեն՝ ակադեմիկոսից դառնալով աշակերտ. սփյուռքահայ ուսուցչուհի Լուսինե Ազատյանը ներկայացնում է Մինսկի Հայորդաց կրթօջախի ձեռքբերումները

Սփյուռք

Սովորել հայերեն՝ ակադեմիկոսից դառնալով աշակերտ. սփյուռքահայ ուսուցչուհի Լուսինե Ազատյանը ներկայացնում է Մինսկի Հայորդաց կրթօջախի ձեռքբերումները

Լրագրողների հետ քննարկվել են ՀՀ քննչական կոմիտեի և ՀՀ ՆԳՆ ռազմավարական հաղորդակցության խնդիրները

Իրավունք

Լրագրողների հետ քննարկվել են ՀՀ քննչական կոմիտեի և ՀՀ ՆԳՆ ռազմավարական հաղորդակցության խնդիրները

ԱԳ նախարար Միրզոյանը Լոնդոնում ներկայացրել է ՀՀ արտաքին քաղաքական առաջնահերթությունները

Արտաքին քաղաքականություն

ԱԳ նախարար Միրզոյանը Լոնդոնում ներկայացրել է ՀՀ արտաքին քաղաքական առաջնահերթությունները

Լիտվան աջակցություն է հայտնել Հայաստանի հետ ԵՄ կապերի ամրապնդմանը

Քաղաքականություն

Լիտվան աջակցություն է հայտնել Հայաստանի հետ ԵՄ կապերի ամրապնդմանը

ՎԶԵԲ-ն ու Ամերիաբանկն աջակցում են հայկական ձեռնարկություններին առևտրի ֆինանսավորման կայուն լուծումներով

Տնտեսություն

ՎԶԵԲ-ն ու Ամերիաբանկն աջակցում են հայկական ձեռնարկություններին առևտրի ֆինանսավորման կայուն լուծումներով

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում