Հրազդանի Օրբելու անվան ավագ դպրոցի և Մոնպելիեի Նևեր լիցեյի միջև կնքվել է համագործակցության հուշագիր
1 րոպեի ընթերցում
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ։ Հայաստանի Հրազդան քաղաքի Օրբելու անվան ավագ դպրոցի և Ֆրանսիայի Մոնպելիե քաղաքի Նևեր լիցեյի միջև կնքվել է կրթական և մշակութային համագործակցության հուշագիր։
«Արմենպրես»-ի հաղորդմամբ՝ այս մասին նշվում է Հայաստանի Հանրապետությունում Ֆրանսիայի Արտակարգ և լիազոր դեսպան Օլիվիե Դըկոտինյիի կողմից X-ի միկրոբլոգում կատարված գրառման մեջ։
«Շնորհավորում ենք Մոնպելիեի Նևերի լիցեյին և Հրազդանի Օրբելու անվան ավագ դպրոցին, որոնք այս շաբաթ կնքեցին կրթական և մշակութային համագործակցության հուշագիր»,- նշել է դեսպանն իր գրառման մեջ՝ հավելելով, որ Ֆրանսիայի և Հայաստանի բարեկամությունը երկու ժողովուրդների, երկու մշակույթների և երկու երիտասարդությունների հանդիպումն է։։