Փարիզում կողոպտիչներն ավտոմեքենայով մխրճվել են Chanel-ի բուտիկի մեջ և պայուսակներ գողացել
1 րոպեի ընթերցում
![Փարիզում կողոպտիչներն ավտոմեքենայով մխրճվել են Chanel-ի բուտիկի մեջ և պայուսակներ գողացել](http://armenpress.am/resized/480/static/news/b/2024/06/1139192.jpg)
ԵՐԵՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Չորս կողոպտիչներ ավտոմեքենայով մխրճվել են Փարիզի կենտրոնական թաղամասերից մեկում գտնվող Chanel-ի բուտիկի մեջ և լյուքս տեսակի մի քանի պայուսակ գողացել: «Արմենպրես»-ի փոխանցմամբ՝ այս մասին հաղորդում է BFMTV հեռուստաալիքը։
Հարձակումը տեղի է ունեցել հունիսի 10-ին՝ առավոտյան ժամը 5։20-ին, ութերորդ թաղամասի Մոնտենի պողոտայի բուտիկի վրա, հաղորդում է BFMTV-ն։
Պայուսակները գողանալուց հետո հանցագործներն այրել են այն մեքենան, որով կատարել են հանցագործությունը, նստել են մեկ այլ մեքենա և փախուստի դիմել։
Կազմակերպված հանցավորության դեմ պայքարի վարչությունը հետաքննություն է սկսել, վնասի չափը դեռ պարզվում է։