Օմանը հայտարարել է Ռուսաստանին ուղտի կաթ մատակարարելու ցանկության մասին
1 րոպեի ընթերցում
![Օմանը հայտարարել է Ռուսաստանին ուղտի կաթ մատակարարելու ցանկության մասին](http://armenpress.am/resized/480/static/news/b/2024/06/1139104.jpg)
ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Օմանը ցանկանում է Ռուսաստանին խուրմա և ուղտի կաթ մատակարարել։
«Արմենպրես»-ի հաղորդմամբ՝ այս մասին Սանկտ Պետերբուրգի միջազգային տնտեսական ֆորումի շրջանակներում ՏԱՍՍ-ին տված հարցազրույցում ասել է հյուր երկրի՝ Օմանի պատվիրակության անդամ Մոհամմեդ Ալ-Հարսին։
«Մենք արդեն ունենք գործընկերություն Ռուսաստանի որոշ առևտրային ընկերությունների հետ։ Այսպիսով, սա արդեն իրականացվել է, և մենք փորձում ենք բարելավել երկու երկրների միջև առևտուրը։ Մենք նաև փնտրում ենք պոտենցիալ գործընկերներ Օմանի արտադրանքը վաճառելու համար, ինչպիսիք են խուրմա, ուղտի կաթ, ձկնամթերք»,-ասել է նա։