Կոպենհագենում հարձակվել են Դանիայի վարչապետի վրա

ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Դանիայի մայրաքաղաք Կոպենհագենում հարձակվել են երկրի վարչապետ Մետտե Ֆրեդերիկսենի վրա:

«Արմենպրես»-ի հաղորդմամբ, այս մասին հայտնում է CNN-ը՝ վկայակոչելով Դանիայի կառավարության ղեկավարի գրասենյակը:

«Վարչապետ Մետտե Ֆրեդերիկսենը հունիսի 7-ի երեկոյան Կոպենհագենի Կուլտորվետ հրապարակում ենթարկվել է հարձակման տղամարդու կողմից: Ավելի ուշ նա ձերբակալվել է»,-նշել են ղեկավարի գրասենյակից:

Ըստ կառավարության ղեկավարի գրասենյակի՝ վարչապետի վրա հարձակվող անձի ինքնությունը չի բացահայտվում: Դրդապատճառը նույնպես դեռևս անհայտ է: