ԱՄՆ-ն զինվորականներ չի ուղարկի Ուկրաինա. Սպիտակ տուն
1 րոպեի ընթերցում
![ԱՄՆ-ն զինվորականներ չի ուղարկի Ուկրաինա. Սպիտակ տուն](http://armenpress.am/resized/480/static/news/b/2024/06/1138797.jpg)
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: ԱՄՆ նախագահի ազգային անվտանգության հարցերով խորհրդական Ջեյք Սալիվանը հայտարարել է, որ Վաշինգտոնը մտադիր չէ զինվորականներ, խորհրդականներ և հրահանգիչներ ուղարկել Ուկրաինա:
«Արմենպրես»-ի փոխանցմամբ՝ այս մասին Սալիվանը հայտնել է նախագահ Ջո Բայդենին Ֆրանսիա ուղեկցող լրագրողներին:
«Մենք մի քանի անգամ ասել ենք, որ չենք պլանավորում ամերիկացի ռազմական խորհրդականներ, զինվորականներ և հրահանգիչներ ուղարկել Ուկրաինայի տարածքում ուկրաինացիներին վերապատրաստելու համար», - ասել է Սալիվանը:
Նա հիշեցրել է, որ հազարավոր ուկրաինացիներ ուսուցում են անցնում Գերմանիայում գտնվող ամերիկյան ռազմաբազայում, և Վաշինգտոնը մտադիր է շարունակել դա։
Բայդենը Ֆրանսիա է մեկնում՝ մասնակցելու Նորմանդիայում դաշնակիցների զորքերի ափհանման 80-ամյակին նվիրված միջոցառումներին։ Իսկ հաջորդ շաբաթ Սպիտակ տան ղեկավարը կմեկնի Իտալիա՝ Մեծ յոթնյակի երկրների գագաթնաժողովին։