Միջազգային

Զելենսկին Պորտուգալիայի հետ անվտանգության երկկողմ համագործակցության համաձայնագիր է ստորագրել

1 րոպեի ընթերցում

Զելենսկին Պորտուգալիայի հետ անվտանգության երկկողմ համագործակցության համաձայնագիր է ստորագրել

ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Լիսաբոն այցի ընթացքում Ուկրաինայի նախագահ Վլադիմիր Զելենսկին Պորտուգալիայի հետ անվտանգության ոլորտում համագործակցության համաձայնագիր է ստորագրել, ինչպես նաև հանդիպում է ունեցել այդ երկրի նախագահ Մարսելու Ռեբելու դե Սոուզայի հետ։ «Արմենպրես»-ի փոխանցմամբ՝ այս մասին Զելենսկին հայտնել է իր Telegram ալիքում:

«Մենք քննարկել ենք Խաղաղության գլոբալ գագաթնաժողովին նախապատրաստվելու ​​աշխատանքները. անհրաժեշտ է բոլոր մայրցամաքներից պետությունների հնարավորինս լայն ներկայություն այնտեղ։ Հատուկ ուշադրություն է դարձվում ԵՄ-ին և ՆԱՏՕ-ին Ուկրաինայի ինտեգրման հարցերին։ Շնորհակալություն Ուկրաինային այս ճանապարհին աջակցելու համար», - գրել է Զելենսկին Սոուզայի հետ հանդիպման մասին։

Իսկ մայիսի 28-ին Զելենսկին և Պորտուգալիայի վարչապետ Լուիշ Մոնտենեգրուն երկկողմ համաձայնագիր են ստորագրել անվտանգության ոլորտում համագործակցության շուրջ։

Ուկրաինայի նախագահն իր եվրոպական շրջագայության ընթացքում նման պայմանագրեր է ստորագրել նաև Բելգիայի և Իսպանիայի հետ։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում