Միջազգային

Չեխիան կոչ է արել թույլատրել Կիևին զենք օգտագործել նաև իր տարածքից դուրս

1 րոպեի ընթերցում

Չեխիան կոչ է արել թույլատրել Կիևին զենք օգտագործել նաև իր տարածքից դուրս

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Ուկրաինան պետք է իրավունք ունենա օգտագործել սպառազինություն նաև իր տարածքից դուրս: «Արմենպրես»-ի հաղորդմամբ՝ Պրահայում կայացած ճեպազրույցում այս մասին ասել է Չեխիայի վարչապետ Պետր Ֆիալան։

Ավելի վաղ ՆԱՏՕ-ի գլխավոր քարտուղար Յենս Ստոլտենբերգը հայտարարել էր, որ Ուկրաինան իրավունք ունի թիրախավորել նաև Ռուսաստանի տարածքում գտնվող ռազմական օբյեկտները։ ՆԱՏՕ-ի գլխավոր քարտուղարը նաև ասել էր, որ որոշ դաշնակիցներ վերացրել են Ռուսաստանին Ուկրաինայի կողմից հարվածներ հասցնելու հարցում համապատասխան սահմանափակումները՝ կարծելով, որ եկել է ժամանակը վերացնելու նաև այլ սահմանափակումներ։

«Ինչ վերաբերում է Ստոլտենբերգի կամ այլ քաղաքական գործիչների հայտարարություններին, որ Ուկրաինան պետք է իրավունք ունենա օգտագործել սպառազինությունն իր տարածքից դուրս, ապա դա միանգամայն տրամաբանական է։ Ուկրաինան իրեն պաշտպանող երկիր է, պաշտպանում է իր տարածքը, խաղաղ բնակչությանը։ Ուկրաինան ունի բոլոր հնարավորություններն իր պաշտպանության համար օգտագործել բոլոր հնարավորությունները»,- ասել է Չեխիայի վարչապետը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում