Արգենտինայի նախագահը փոխել է վարչապետին
1 րոպեի ընթերցում
![Արգենտինայի նախագահը փոխել է վարչապետին](http://armenpress.am/resized/480/static/news/b/2024/05/1138154.jpg)
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Արգենտինայի նախագահ Խավիեր Միլեյը փոխարինել է կաբինետի ղեկավարին՝ այդ պաշտոնը վստահելով ներքին գործերի նախարարին։ Այդ մասին տեղեկացնում է «Արմենպրես»-ը՝ վկայակոչելով Արգենտինայի ղեկավարի մամուլի ծառայության հաղորդագրությունը։
«Նախագահի գրասենյակը հայտնում է, որ Նիկոլա Պոսեն հրաժարական է տվել Նախարարների կաբինետի ղեկավարի պաշտոնից։ Վարչապետի պաշտոնը կզբաղեցնի Ներքին գործերի նախարար Գիլիերմո Ֆրանկոսը, որպեսզի ավելի շատ քաղաքական կշիռ հաղորդի իշխող կառավարությանը»,- ասված է հայտարարության մեջ։
Վարչապետի հրաժարականի որոշումը պայմանավորված է այն հանգամանքով, որ կառավարության ղեկավարը չի արդարացրել պետության առաջընթացի հետ կապված ակնկալիքները։