Չեխիայում սեպտեմբերին կանցկացվեն Սենատի ընտրություններ

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ Չեխիայի նախագահ Պետր Պավելը հանրապետության խորհրդարանի Սենատի (վերին պալատի) ընտրությունները նշանակել է 2024 թվականի սեպտեմբերի 20-ին և 21-ին։

«Արմենպրես»-ի հաղորդմամբ՝ ինչպես փոխանցում է ՏԱՍՍ-ը, այս մասին Չեխիայի նախագահի մամուլի ծառայությունից՝ հավելելով, որ միաժամանակ տեղի կունենան տարածքային ինքնակառավարման մարմինների ընտրություններ։

«Հանրապետության նախագահը, Սահմանադրությանը և համապատասխան ընտրական օրենքներին համապատասխան, որոշել է Չեխիայի Սենատի և տարածքային ինքնակառավարման մարմինների ընտրություններ անցկացնել 2024 թվականի սեպտեմբերի 20-ին և շաբաթ օրը՝ սեպտեմբերի 21-ին»,- ասված է Չեխիայի նախագահի մամուլի ծառայության կայքում հրապարակված փաստաթղթում։

Ընտրությունների անցկացման օրվա մասին հրամանագիրը պետք է ստորագրի նաեւ երկրի վարչապետը։