Միջազգային

Չեխիայի նախագահը մոտոցիկլետ վարելիս վնասվածք է ստացել

1 րոպեի ընթերցում

Չեխիայի նախագահը մոտոցիկլետ վարելիս վնասվածք է ստացել

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Չեխիայի նախագահ Պետր Պավելը, որը վնասվածք է ստացել մոտոցիկլետ վարելիս, տեղափոխվել է Պրահայի Կենտրոնական զինվորական հոսպիտալ։ «Արմենպրես»-ի փոխանցմամբ՝ այս մասին հայտնում է ct24 լրատվական հարթակը։

Նախագահ Պավելի վնասվածքները լուրջ չեն։

Չեխիայի ղեկավարը պետք է հիվանդանոցում մնար մինչև երկուշաբթի, սակայն նրա գրասենյակը հայտնել է, որ նրան արդեն դուրս են գրել՝ բուժումը տանը շարունակելու համար։

Չեխիայի ԶԼՄ-ները հայտնել էին, որ Պավելը մայիսի 23-ին վնասվածք է ստացել մոտոցիկլավարների համար փակ սպորտային հրապարակներից մեկում՝ արտաճանապարհային վարման դասընթացների ժամանակ: Ըստ նրա մամուլի ծառայության՝ ոստիկանությունը միջադեպը որպես ճանապարհատրանսպորտային պատահար չի քննում։

62-ամյա Պավելը մոտոսպորտի սիրահար է։ Նա մոտոցիկլետ վարելուց չի հրաժարվել նույնիսկ 2023 թվականին նախագահ ընտրվելուց հետո։ Նախագահը, որը չեխական բանակի պաշտոնաթող գեներալ է, բժիշկների կարծիքով, գերազանց մարզավիճակում է:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում