Միջազգային

ԱՄՆ-ում Ուկրաինայի զինված ուժերի օդաչուների առաջին խումբն ավարտել է F-16-եր կառավարելու ուսուցումը

2 րոպեի ընթերցում

ԱՄՆ-ում Ուկրաինայի զինված ուժերի օդաչուների առաջին խումբն ավարտել է F-16-եր կառավարելու ուսուցումը

ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Ուկրաինացի օդաչուների առաջին խումբն ավարտել է ԱՄՆ Արիզոնայի նահանգում ամերիկյան F-16 կործանիչների կառավարման ուսուցումը: «Արմենպրես»-ի փոխանցմամբ՝ այս մասին հայտնել է POLITICO-ն։

Ըստ հրապարակման՝ Արիզոնայի ազգային գվարդիայի մամուլի քարտուղար կապիտան Էրին Հանիգանը հայտնել է, որ օդաչուները վերապատրաստում են անցել Տուկսոնում գտնվող ամերիկյան ռազմաօդային ուժերի 162-րդ բազայում։ Նա չի հստակեցրել բազայում ուսուցում անցած ուկրաինացի զինվորականների թիվը՝ ելնելով անվտանգության նկատառումներից:

Ուսուցումն ավարտելը վճռական քայլ է Ուկրաինայի երկինք F-16-եր դուրս բերելու ճանապարհին, ընդգծել է Հանիգանը։

POLITICO-ի աղբյուրի տեղեկատվությամբ՝ ուկրաինացի օդաչուներն այժմ ուղևորվում են Եվրոպա՝ լրացուցիչ վերապատրաստման համար։

Ուկրաինացի օդաչուներն Արիզոնա են ժամանել փոքր խմբերով։ Չորս օդաչուից բաղկացած առաջին խումբը վերապատրաստումն սկսել է հոկտեմբերի վերջին։ Հունվարի վերջին ժամանել է ևս չորս օդաչու։ Ազգային գվարդիան հաղորդել է, որ մինչև ընթացիկ ֆինանսական տարվա վերջը պլանավորվում է պատրաստել Ուկրաինայի ռազմաօդային ուժերի 12 օդաչուի։

Ակնկալվում է, որ Ուկրաինան կարող է ստանալ ավելի քան 60 F-16 կործանիչներ Նորվեգիայից, Դանիայից, Նիդեռլանդներից և Բելգիայից։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում