Մոլդովացի ֆերմերները երաշտի պատճառով դիմել են իշխանություններին
1 րոպեի ընթերցում
![Մոլդովացի ֆերմերները երաշտի պատճառով դիմել են իշխանություններին](http://armenpress.am/resized/480/static/news/b/2024/05/1137820.jpg)
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Մոլդովայում ֆերմերներն իշխանություններից պահանջում են անհապաղ հանձնաժողովներ ստեղծել՝ երաշտի վնասը գնահատելու նպատակով։
«Արմենպրես»-իփոխանցմամբ՝ այս մասին նշվում է «Ֆերմերների ուժը» ասոցիացիայի կողմից ֆեյսբուք սոցիալական ցանցում տարածված հայտարարության մեջ։
Ասոցիացիան Մոլդովայի գյուղատնտեսության նախարարությունից պահանջում է մարզերում անհապաղ ստեղծել մասնագիտացված հանձնաժողովներ՝ երաշտից տուժած տարածքները բացահայտելու և գյուղատնտեսությունում աղետ հայտարարելու համար։
«Երկրի շատ շրջաններ տուժել են երաշտից։ Ստուգումը պետք է իրականացվի բոլոր շրջաններում, իսկ երաշտից տուժած տարածքներում պետք է աղետ հայտարարվի»,- նշվում է հայտարարության մեջ։