1 րոպեի ընթերցում
ԵՐԵՎԱՆ, 22 ՄԱՅԻՍԻ, ԱՐՄԵՆՊՐԵՍ: Մեծ Բրիտանիայի վարչապետ Ռիշի Սունակը կառավարության նիստի ավարտին հայտարարել է հուլիսի 4-ին արտահերթ խորհրդարանական ընտրություններ անցկացնելու մասին:
Ինչպես տեղեկացնում է«Արմենպրես»-ը, այս մասին հայտնում է ռուսական «Կոմերսանտ» օրաթերթը՝ հղում անելովբրիտանական Sky News հեռուստաալիքին:
« Հիմա ժամանակն է, որ Բրիտանիան ընտրի մեր ապագան, որոշելով, թե արդյոք մենք ցանկանում ենք հիմնվել այն առաջընթացի վրա, որին մենք հասել ենք, թե դիմենք ռիսկի և նորից վերադառնանք սկզբնակետ՝ առանց հստակ պլանի: Այսօր ավելի վաղ Նորին Մեծություն Թագավորի հետ զրույցում ես խնդրեցի արձակել խորհրդարանը։ Թագավորը բավարարեց այս խնդրանքը, և մենք հուլիսի 4-ին կունենանք համընդհանուր ընտրություններ»,- հայտարարել է Սունակը։