ՄԱԳԱՏԷ-ի ղեկավարը կմեկնի Կալինինգրադ և կքննարկի Զապորոժիեի ԱԷԿ-ի հարցը

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ։ Ատոմային էներգիայի միջազգային գործակալության (ՄԱԳԱՏԷ) ղեկավար Ռաֆայել Գրոսսին մայիսի 28-ին պաշտոնական այցով կմեկնի Կալինինգրադ։ Ինչպես տեղեկացնում է «Արմենպրես»-ը՝ վկայակոչելով «Lenta.ru»-ն, Վիեննայում այդ մասին հայտնել է միջազգային կազմակերպություններում Ռուսաստանի մշտական ​​ներկայացուցիչ Միխայիլ Ուլյանովը։

«ՄԱԳԱՏԷ-ի գլխավոր տնօրեն Ռաֆայել Գրոսիի և նրա թիմի անդամների հանդիպումը Ռուսաստանի միջգերատեսչական պատվիրակության հետ՝ «Ռոսատոմ» պետական ​​կորպորացիայի գլխավոր տնօրեն Ալեքսեյ Լիխաչովի գլխավորությամբ, ըստ ամենայնի, տեղի կունենա մեկ շաբաթից՝ մայիսի 28-ին, Կալինինգրադում»,- ասել է Ուլյանովը։

Դիվանագետի խոսքով՝ հանդիպման օրակարգում կքննարկվի Զապորոժյեի ատոմակայանում (ԱԷԿ) ստեղծված ներկա իրավիճակը։

Ավելի վաղ Գրոսսին հայտարարել էր, որ Զապորոժյեի ատոմակայանում իրավիճակը շարունակում է տագնապալի և շատ փխրուն մնալ։ Կազմակերպության ղեկավարը մատնանշել է, որ Զապորոժյեի ԱԷԿ-ի մոտ ռազմական աշխուժություն է, և հիշեցրել է, որ օբյեկտում տեղի ունեցած դրվագներից մեկը նրան կրկին բերել է ՄԱԿ-ի Անվտանգության խորհուրդ։