Լոնդոն-Սինգապուր չվերթի ժամանակ տուրբուլենտության պատճառով կա 1 զոհ, 30-ից ավելի վիրավոր

ԵՐԵՎԱՆ, 21 ՄԱՅԻՍԻ, ԱՐՄԵՆՊՐԵՍ։ Լոնդոն-Սինգապուր թռիչքի ժամանակ ուժեղ տուրբուլենտության պատճառով 1 ուղևոր է մահացել, ավելի քան 30-ը՝ վիրավորվել։ «Արմենպրես»-ի փոխանցմամբ՝ այս մասին հաղորդում է BBC-ն։

«Սինգապուրյան ավիաուղիներ»-ին պատկանող Boeing 777-300ER ինքնաթիռը Սինգապուրի փոխարեն վայրէջք է կատարել Բանգկոկում։

Ինքնաթիռում եղել է 211 ուղևոր և անձնակազմի 18 անդամ։