Միջազգային

Չինաստանը պատժամիջոցներ է սահմանել ԱՄՆ-ի ևս երեք պաշտպանական կոնցեռնների նկատմամբ

1 րոպեի ընթերցում

Չինաստանը պատժամիջոցներ է սահմանել ԱՄՆ-ի ևս երեք պաշտպանական կոնցեռնների նկատմամբ

ԵՐԵՎԱՆ, 20 ՄԱՅԻՍԻ, ԱՐՄԵՆՊՐԵՍ: Չինաստանը պատժամիջոցներ է սահմանել ամերիկյան պաշտպանական ևս երեք կոնցեռնների նկատմամբ։ «Անվստահելի ձեռնարկությունների» ցանկում հայտնվել են Boeing ընկերության պաշտպանական և տիեզերական ստորաբաժանումները, ինչպես նաև General Atomics Aeronautical Systems-ը և General Dynamics Land Systems-ը: «Արմենպրես»-ի փոխանցմամբ՝ այս մասին հաղորդում է Deutsche Welle-ի ռուսական ծառայությունը՝ վկայակոչելով Չինաստանի առևտրի նախարարությունը։

Գերատեսչության հաղորդագրության մեջ ասվում է, որ ամերիկյան այս ընկերությունները սպառազինություն են մատակարարում Թայվանին: Նշված ընկերություններին արգելվել է նոր ներդրումներ կատարել Չինաստանում, իսկ նրանց ղեկավարներին արգելվում է մուտք գործել Չինաստան։

Չինաստանը վերջին ժամանակներս մի շարք պատժամիջոցներ է սահմանել Թայվանին զենք մատակարարող ամերիկյան ձեռնարկությունների դեմ։ Դեռ 2023 թ. սեպտեմբերին պատժամիջոցներ են սահմանվել Lockheed Martin-ի և Northrop Grumman-ի նկատմամբ։ Հունվարին սև ցուցակը համալրել է ևս հինգ ամերիկյան ընկերություն։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում