Խարկովում ռազմագործողություններին հարակից շրջաններից ավելի քան 10 հազար մարդ է տարհանվել
1 րոպեի ընթերցում
![Խարկովում ռազմագործողություններին հարակից շրջաններից ավելի քան 10 հազար մարդ է տարհանվել](http://armenpress.am/resized/480/static/news/b/2024/05/1137409.jpg)
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Ավելի քան 10 հազար մարդ է տարհանվել Ուկրաինայի Խարկովի մարզի` մարտական գործողություններին հարակից շրջաններից։
«Արմենպրես»-ի հաղորդմամբ՝ այս մասին «Տելեգրամ»-ի իր ալիքում հայտնել է Խարկովի ռազմական վարչակազմի ղեկավար Օլեգ Սինեգուբովը՝ մանրամասնելով, որ Չուգուևի, Խարկովի, Բոգոդուխովի շրջաններից ընդհանուր առմամբ տարհանվել է 10 314 մարդ։
Ավելի վաղ՝ նա տեղեկացրել էր մարտական թեժ գործողություններին հարակից այդ շրջաններից բնակիչների տարհանման գործընթացի մասին: