Լավրովի կարծիքով` Ռուսաստանի և Արևմուտքի միջև ռազմաքաղաքական առճակատումը շարունակվում է
1 րոպեի ընթերցում
![Լավրովի կարծիքով` Ռուսաստանի և Արևմուտքի միջև ռազմաքաղաքական առճակատումը շարունակվում է](http://armenpress.am/resized/480/static/news/b/2024/05/1137397.jpg)
ԵՐԵՎԱՆ, 18 ՄԱՅԻՍԻ, ԱՐՄԵՆՊՐԵՍ: Ռուսաստանի Դաշնության արտգործնախարար Սերգեյ Լավրովը հայտարարել է, որ Մոսկվայի և Արևմուտքի ռազմաքաղաքական առճակատման սուր փուլը շարունակվում է։
«Արմենպրես»-ի հաղորդմամբ՝ այս մասին հայտնում է ՏԱՍՍ-ը մեջբերելով ԱԳ նախարար Լավրովի խոսքերն Արտաքին և պաշտպանական քաղաքականության խորհրդի XXXII վեհաժողովից։
«Ռուսաստանի և Արևմուտքի միջև ռազմաքաղաքական առճակատման սուր փուլը շարունակվում է․ եթե կարելի է այսպես ասել՝ եռում է։ Հակառուսական հռետորաբանության նկատմամբ մենք առանձնահատուկ ձգտում ենք տեսնում մեր եվրոպացի հարևանների մոտ»,- ասել է Սերգեյ Լավրովը։