1 րոպեի ընթերցում
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ։ Ռուսաստանի Դաշնության փոխարտգործնախարար Ալեքսանդր Պանկինը հույս է հայտնել, որ Հայաստանի և Հավաքական անվտանգության պայմանագրի կազմակերպության (ՀԱՊԿ) միջև առկա իրավիճակը կհաղթահարվի։
«Արմենպրես»-ի հաղորդմամբ՝ այս մասին հայտնում է ՌԻԱ Նովոստի-ն՝ մեջբերելով փոխարտգործնախարար Պանկինի հայտարարությունը։
ՌԴ փոխարտգործնախարարը նաև հավելել է, որ Հայաստանը ՀԱՊԿ-ում վստահելի դաշնակիցներ ունի՝ չնայած տարաբնույթ հայտարարություններին և շրջանառվող ասեկոսեներին։
«Հուսով ենք, որ մենք կհաղթահարենք այս պահը, և մեր հայ դաշնակիցները, որոնք հանդիսանում են ՀԱՊԿ անդամ, ովքեր չեն հայտարարել ո՛չ ՀԱՊԿ-ից դուրս գալու, ո՛չ էլ ՀԱՊԿ-ի հետ խզման մասին, կկարողանան լինել միասնական կազմավորման մեջ»,- հայտարարել է Պանկինը «Ռուսաստան- Իսլամական աշխարհ. Կազանֆորում» միջազգային տնտեսական ֆորումի ընթացքում։