Ռոստովում 2 պայթյուն է տեղի ունեցել վառելիքի պահեստում ԱԹՍ-ների հարձակման պատճառով
1 րոպեի ընթերցում
![Ռոստովում 2 պայթյուն է տեղի ունեցել վառելիքի պահեստում ԱԹՍ-ների հարձակման պատճառով](http://armenpress.am/resized/480/static/news/b/2024/05/1137086.jpg)
ԵՐԵՎԱՆ, 15 ՄԱՅԻՍԻ, ԱՐՄԵՆՊՐԵՍ: ՌԴ Ռոստովի մարզում երկու պայթյուն է տեղի ունեցել վառելիքի պահեստում երկու անօդաչու թռչող սարքերի (ԱԹՍ) հարձակման հետևանքով։
«Արմենպրես»-ի փոխանցմամբ՝ այս մասին իր Telegram ալիքում հայտնել է տարածաշրջանի նահանգապետ Վասիլի Գոլուբևը։
«Այսօր առավոտյան երկու անօդաչու թռչող սարքերի հարձակման հետևանքով երկու պայթյուն է տեղի ունեցել Պրոլետարսկի շրջանի վառելիքի պահեստում, ինչը վառելիքի բռնկում չի առաջացրել: Տուժածներ չկան», - գրել է նա:
Ինչպես ավելի վաղ հայտնել էր «Արմենպրես»-ը, ՌԴ մի շարք մարզեր գիշերը ենթարկվել են գնդակոծությունների։