Միջազգային

Մակրոնը հայտարարել է առաջիկա օրերին Ուկրաինային զենքի մատակարարումների մասին

1 րոպեի ընթերցում

Մակրոնը հայտարարել է առաջիկա օրերին Ուկրաինային զենքի մատակարարումների մասին

ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ։ Ֆրանսիան առաջիկա օրերին և շաբաթներին սպառազինության նոր խմբաքանակ կմատակարարի Կիևին։ Ինչպես տեղեկացնում է «Արմենպրես»-ը՝ վկայակոչելով «ՌԻԱ Նովոստի»-ն, այդ մասին հայտնել է Ֆրանսիայի նախագահ Էմանուել Մակրոնը Վլադիմիր Զելենսկու հետ հեռախոսազրույցի ժամանակ։

«Հանրապետության նախագահը հաստատել է Ֆրանսիայի վճռականությունը՝ իր գործընկերների հետ միասին երկարաժամկետ ու անհրաժեշտ օգնությունն Ուկրաինային տրամադրելու կապակցությամբ, որպեսզի հասնենք Ռուսաստանի պարտությանը։ Սպառազինության առաքումը կիրականացվի առաջիկա օրերին և շաբաթներին»,- ասված է Ելիսեյան պալատի կայքում տեղադրված հաղորդագրության մեջ։

Մակրոնը նաև ընդգծել է իր շահագրգռվածությունը Օլիմպիական զինադադարի հարցում, որպեսզի ձեռնարկվեն բոլոր օգտակար դիվանագիտական ​​նախաձեռնությունները՝ բանակցություններ սկսելու համար միջազգային իրավունքի և Ուկրաինայի օրինական շահերի հարգման շրջանակներում։

Ֆրանսիայի նախագահն ավելի վաղ հայտարարել էր, որ Եվրամիությունը առաջիկա շաբաթների ընթացքում կավելացնի Ուկրաինային տրամադրվող օժանդակությունը։

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում